買二手車遇着古惑賣家？記住：未驗車，絕對唔好落訂

葉生：「我哋又蠢咗……未驗車就俾咗訂，點知越諗越古惑，最後決定連車都唔睇，寧願嘥訂金都不想嘥時間！」
最近又接到客人嘅求助，聽完真係替佢心痛！今次呢位客人落咗 $1,000 訂金，算係「輕傷」，最近我哋仲遇到有客人未驗車就俾咗 $5,000 甚至 $8,000 訂！呢啲咪就係專門獵殺新手買家嘅「古惑招數」囉！

今次個案嘅古惑漏洞，大家睇下有冇似曾相識？

1. 身分對唔到： 賣家自稱係本人，轉頭又話「幫老婆賣」。但明明牌簿寫住係男人名！
2. 收錢名唔同： 牌簿個名，同 FPS 轉數快收款人個名完全兩回事！
3. 車況口不擇言： 賣家口硬話「絕無撞過」，但現場一睇，車身噴漆啲線位完全對唔齊，明眼人都知有嘢隱瞞！
4. 突襲取消/催落訂： 約好聽日驗車，突然打嚟多招多式推三阻四，或者用「有人睇緊」嚟催你落訂。

HKMI 香港驗車 再次嚴正提醒各位買家：

1. 未驗車，堅持零落訂！
「要賣就賣，要驗就聽日嚟驗，俾咩訂？」只要你一落訂，主導權就喺對方手！未確定車況之前，一蚊都唔好轉過去。
2. 未驗車，切勿簽任何文件！
唔好聽信對方講「簽個意向書/合約保障雙方」，好多條款魔鬼細節你根本睇唔出。
3. 交易前必做「三核對」

* 核對賣家 身分證
* 核對 牌簿正本 名字
* 核對 FPS 轉數快 / 銀行戶口 戶口名
三者名字必須完全一致！ 只要有一項對唔上，即刻離場，唔好冒險！

買二手車唔好憑感覺，更唔好俾古惑賣家牽住鼻子走。記住：「未驗車，唔落訂；搵 HKMI 驗清楚，先好掏荷包！」
即刻 Save 低呢篇帖文，或者 Share 俾身邊準備買車嘅朋友，唔好再俾人當水魚。