先驗車後落訂

今日有我們HK M I的粉絲，發了在Facebook一個貼文給我們看，內文提及，在網上找了一部車，於是就聯絡車主，要求到自己的車房檢查，但車主要先付訂金，並說清楚如果有大撞，會退回有關的訂金。
第一個錯：如果大家有留意到我們在各大平台的呼籲，未驗車之前根本就不應該給任何訂金！
第二個錯：如果單單一部車，沒有大撞，就可以順利出售，這樣也未免太大意！
因為車的引擎和波箱都非常之重要，特別是這一些歐洲車，牽涉的維修費，可以動輒過萬！
第三個錯：就算真係比訂金，都要白紙黑字寫清楚，必須要寫清楚車主的資料，包括姓名、身分證號碼、和車輛登記文件的副本，作為留底。
第四個錯：核對清楚文件，我們在各大平台都說明，很多是揸車出嚟的人，並不一定是車主，你必須要核對清楚，他是否車主，點核對？很簡單，就是叫車主提供車輛登記文件，同事也要求揸車來的人提供身分證，在一個簡單的核對。
第五個錯：就係太心急，有很多時有些人，會故弄玄虛，當你問有關車的資料時，車主會和你說有很多人睇這部車，如果你唔落訂，部車就好快俾人攞咗，到時就賣唔到俾你啦！
講真一句，如果真係咁搶手，咁咪算囉！
你同部車有冇緣份，同埋部車如果真係咁好賣，就唔會擺咗咁耐都冇人買啦！
其實呢啲都係銷售心理學，只要大家心要定，不要心急，不必要嘅損失自然會減低！
好啦，其實我哋由2006年開始到現在2022年，已經超過16年嘅時間，我哋喺不同嘅地方，不同嘅平台，都提醒左大家好多事情！
希望大家唔好再講呢一句：「唔緊要啦當買個教訓啦！」
大家要記住，每一個教訓都係錢嚟嘅，當大家都想教訓自己嘅時候，呢啲人，一日教訓你一次，一個月佢就可以隨時袋度幾萬蚊，因為大家都覺得，俾少少錢交學費好正常！
但係呢啲少少錢，就能夠養肥呢班人㗎啦。
以上資訊，純屬參考，請大家不要對號入座！
都係希望提提大家！