2014【壹周刊】驗車公司揾食賤招



壹週刋第1276期

2014.08.21

爆一爆

[驗車公司揾食賤招]

 

爆哥早排想換車,睇中一架二手波子,為免被人呃,便call車界友人介紹驗車師傅驗吓車先,車界友人話好彩爆哥識揾佢,萬揾着驗車騙徒,隨時變咗買貴車。

 

佢爆料話驗車行業其實幾黑暗,原來一間成日賣廣告,馨稱全港首創流動及電召上門電腦驗車公司。睇落似乎好有規模,其實呃人招數相當高,首先,佢真係帶齊架生、電影第嚟幫你驗車,過程中仲好落力。

 

之後佢開始踩你心儀嘅二手車樣樣唔得,架車有乜病、物病,總之話唔值罪,然後順勢就介紹你去另外一間二手車中心買車及包埋同你驗車,用呢個賤招來推生意。

 

若果車主耳仔軟而受氹,當然最後會買貴咗車,到你發現想追討賠償,呢間二手車中心老細就會響晒黑社會朵嚟兇你,爆哥勸大家揾人驗車都要小心,最好揾間有口碑嘅。