女揸fit人| 賣車買車絲打話晒事!



相信好多巴打,買車又好,
就算從事賣車嘅都好,好多時都係巴打話事!

但係今日兩位主角,都係絲打嚟嘅,
買車嘅絲打呢,竟然因為部車嘅問題,
同老公嗌左差唔多有半日,到最後梗係老婆贏啦!

原來贏唔係因為老婆大聲夾冇準,係因為佢好仔細嘅,
將兩部車嘅優劣詳細嘅分析,到最後老公仔梗係冇計,
都覺得老婆講得啱!

而賣車俾佢嘅車行,係兩位絲打嚟㗎,
你唔好話佢哋對車唔熟呀,其中一個係從事汽車維修,
又有證書又有實戰經驗嘅絲打!

所以今時今日,各位巴打,千祈唔好睇輕啲女人!
可能身邊嘅絲打,會提供好多獨到精闢嘅意見俾我地,
如果買車真係不妨問吓隔離嗰個嘅意見!