十面埋伏



客人晚上打電話,想約驗車,點知女同事聽唔到!負責首尾門的朱生接了電話。
客人都未說,朱生便一輪嘴,同客人說。
朱生:「未驗車,唔好落訂!」
客人:「落左!」
朱生:「唔係下!講極都唔聽!落左訂,就算驗到,想攞番訂,都好難!」
客人:「唔係喎!車行講到明,架車大撞,水浸,積木車,就退訂!」
朱生:「大撞?水浸?積木車?唔好玩啦!大力撞算唔算先,水浸?仲衰!部車唔係浸住,點為之水浸先!積木車?成架車都係砌出來。」
客人:「咁即係點?唔係好明?」
朱生:「咁即係蝕左籮!」
客人:「點算?」
朱生:「希望部車冇事,如有事先算!」
客人:「仲有問題!車行說驗左車冇問題,就要俾哂錢先過戶。」
朱生:「唔得!萬一俾哂錢,過唔到戶,咁點下?」
客人:「死啦!依家點?」
朱生:「你同佢講,驗完車冇事,你買定本票,同佢一齊去運輸署辦手續,過左戶,即刻付本票!」
客人:「我同車行傾下!」
上述情況,屢見不鮮,點解買車買到咁可憐?
一個原因,就係你落左訂,大家試下,如果未落訂,佢會唔會咁講?
所以大家 ‪#‎先驗車後落訂‬ ,是必須遵守的,第二,交收付本票,亦是最安全的。
最後部車點,部車冇事!客人亦堅持付本票,順利交收!
 

下一篇再度重逢