【驗車師傅日記】添開工喇!為買家把關!
復工第一天 老婆給利是
多謝各位的問候和關心,今天復工,老婆出門前給利是我,希望我事事順利!小病是福,當天真的天旋地轉,好擔心自己頂唔到,好彩入到醫院,做了檢查,醫生説我疲勞過度,要多休息。
其實邊個唔想,但我家有三個女,等我養!手停口停!
想起當初朱sir叫我過來幫手,都好擔心,怕自己應付不來!始終做開汽車維修咁多年,中間又去日本做左幾年,真的不熟香港的情況!
大家都知,我地整車,見車多過見人,同人溝通真是少之又少!
好彩做了一段時間,現在都做得嚟,客人都好好,但有時候,遇到不明白的車主,會惡言相向,當說架車是事故車,便聲大夾惡!
我講得出有事就一定有事,客人唔買關我什麼事!
希望賣車人老老實實,好多人説我地幫到很多買家,反過來說,如賣車的人不騙人,我們根本沒有存在價值。
再次多謝大家的問候!
添
2015.9.7
添開工喇!為買家把關!
Posted by HKMI 香港驗車 Hong Kong Motor Inspection 流動驗車服務 on Sunday, 6 September 2015
|